Albert Camus – Yaz

         Tətildə oxuduğum ilk kitab Albert Camus imzalı “Yaz” oldu. Üz qabığında “deneme” yazılmasından aydın olur ki, “Yaz”  Albert Camus yaradıcılığına giriş üçün, onun düşüncələri ilə tanışlıq üçün uğurlu addım sayıla bilər. XX əsr dünya ədəbiyyatının ən görkəmli nümayəndələrindən biri sayılan Albert Camus daha çox “Yabancı” əsəri ilə tanınsa da, “Yaz” da daxil olmaqla bir sıra kitabları ilə öz sözünü deməyi bacarıb.

Bu kitab həvəslə, əlimdən qoymadan oxuduğum əsərlər arasında olmasa belə, yenə də bəzi maraqlı fikirlərlə yaddaşıma həkk olundu. “Yaz” müəllifin məşhur kitablarından sonra işıq üzü görsə də, burada uzun müddət əvvələ aid yazılarına rast gəlirik. Gəncliyinin məhsulu olaraq burada Albert Camus yaşadığı, gördüyü yerləri təsvir edir və fəlsəfi fikirlər ortaya qoyur. Şahəsəri sayılmasa da, müəllifin yaradıcılığının mühüm hissəsini özündə cəmləşdirərək onun kitabları arasında özünəməxsus yer tutur "Yaz".
         Kitabda A. Camus’un həyatla bağlı bir çox məsələlərə toxunmaqla öz fikirlərini ifadə etdiyini, bəzi problemlər üçün həll yolu axtardığını aydın görürük. Amma bununla yanaşı yaşadığı yerləri elə dəqiq detallarla təsvir edir ki, bununla da təbiət vurğunu olduğu anlaşılır. Doğulduğu Cəzayiri, tarixini, insanlarını oxucularına anladıb sonradan getdiyi yerlərlə müqayisə edərək gənclik illərinin, uşaqlığının keçdiyi bu ölkənin saf, təmiz ruhunu gözlər önünə sərir. Yazar təsvirlərlə Cəzayirdən yunan təbiətinə, Avropaya qədər uzanır. Hər ölkənin özünəməxsusluğunu dəstixəttinə uyğun məntiqlə izah edərək açmağa çalışır. “Yaz”ın digər bir özəlliyi isə müəllifin öz həyatından, uşaqlıq, gənclik xatirələrindən bəhs etdiyi, düşüncələrinə, müqayisələrinə, təhlillərinə daha çox yer verdiyi ədəbiyyat nümunəsi olmasıdır.

         Sonda isə kitabdan sizin üçün seçdiklərim:

• · Dünyayı anlamak için bazı bazı ona sırtımızı dönmemiz gerekir; insanlara daha iyi yardım edebilmek için bir an onları kendimizden uzak tutmamız gerekir.
• · Çöl de bir anlam kazandı, fazlasıyla şiir yüklediler çöle. Dünyanın tüm acıları için benzeri bulunmaz bir yer. Oysa, bazı bazı, yürek kesinlikle şiirsiz yerler ister.
• · Söylenlerin kendi başlarına yaşamı yoktur. Kendilerini cisimleştirmemizi beklerler. Dünyada tek bir insan çağrılarına yanıt vermeyegörsün, el değmemiş özsularını sunarlar.
• · Tarih ne kendinden önce var olan doğal evreni açıklar ne de kendi üstünde olan güzelliği.
• · Belleğimde bunca güneş varken nasıl oldu da zarımı anlamsızlıktan yana kullana bildim?
• · Bir yazar büyük ölçüde okunmak için yazar (tersini söyleyenlere hayran olalım ama inanmayalım) :) 
• · Umutsuzluk sessizdir. Gözler konuşacak olursa sessizlik bile anlam saklar.
• · Kimi sabahlar, bir sokağın dönemecinde, yüreğin üstüne çok hoş bir çiy düşer, sonra buharlaşıverir. Amma serinliği kalır ve yürek hep onu ister.

        Yazıçının daxili dünyası haqqında müəyyən fikir sahibi olsam da, “Yaz”a sadəcə 3 bal verə bilirəm mənə dərindən təsir edən kitablar səviyyəsinə yüksələ bilmədiyi üçün.

26.07.2014 / 06:17 p.m.